កិច្ចប្រជុំពិភាក្សា គម្រោងកសាង ស្រះមុជ្ជលិន្ទ វត្តរតនារាម ផ្សារកណ្តាល ក្នុងក្រុងប៉ោយប៉ែត
ខេត្តបន្ទាយមានជ័យ៖ព្រះសិរីក្ខិត្តវង្ស តែម ម៉ាច ព្រះគ្រូចៅអធិការវត្តរតនារាមផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យនារសៀលថ្ងៃទី២០ ខែមេសា ឆ្នាំ២០២៥ ព្រះអង្គបានដឹកនាំកិច្ចប្រជុំពិភាក្សាគម្រោងកសាង ស្រះមុជ្ជលិន្ទ ក្នុងបរិវេណវត្តព្រមទាំងមានការចូលរួមពីម្ចាស់ សទ្ធាធំដែលបានផ្ដួចផ្ដើមនិងត្រម កសាង នូវ សមិទ្ធផលទាំងនេះឡើងនាពេលឆាប់ៗ។ ម្ចាស់សទ្ធាធំដែលនឹងត្រៀមកសាងនូវសមិទ្ធផលនេះរួមមាន លោកជំទាវឧកញ៉ាអ៊ុង សៀងរិទ្ធី នៅរាជធានីភ្នំពេញ លោកតាំង គឹមរិទ្ធិ សមាជិកក្រុមប្រឹក្សាក្រុង ព្រមទាំងលោកស្រីមហាឧបាសិកាពុទ្ធសាសនាឧបត្ថម្ភ អ៊ី យើង ហៅលោកស្រី អ៊ី ខេង នៅក្រុងប៉ោយប៉ែត លោក សាន តេង ម្ចាស់ក្រុមហ៊ុនសាងសង់នៅក្រុងប៉ោយប៉ែត។ ក្នុងការប្រជុំពិភាក្សាថ្ងៃនេះ អស់លោក លោកស្រីបានមានប្រសាសន៍លើកឡើងផងដែរថា សមិទ្ធផលដែលគ្រោងសាងសង់នាពេលខាងមុខនេះ គឺត្រូវចំណាយថវិកាច្រើន ដូចនេះត្រូវធ្វើការសិក្សាឲ្យបានល្អិតល្អន់ ដូចជារូបរាងឲ្យសមជារចនាបទខ្មែរធ្វើយ៉ាងណាឲ្យមានគុណភាពស្រស់ស្អាតដើម្បីឲ្យស្របទៅនឹងអភិក្រម សបី របស់ក្រសួងធម្មការនិងសាសនាដែលបានដាក់ចេញកន្លងទៅថ្មី២ នេះរួមមានពណ៌ស្អាតសំដៅលើបរិស្ថានស្អាតអនាម័យល្អ សំណង់មានរបៀបរៀបរយទីរមណីយដ្ឋានសាសនានិងជាបុញ្ញសម្រាប់ពុទ្ធបរិស័ទ និងជាការលើកកម្ពស់ស្មារតីនៃការពង្រឹងនិងពង្រីកសាមគ្គីធម៌ការអប់រំសីលធម៌កសាងឲ្យបាននូវធនធានមនុស្សសុខដុមរមនាសង្គមសុខសន្តិភាពការអភិវឌ្ឍប្រកបដោយស្ថិរភាព ។ ព្រះសិរីក្ខិត្តវង្ស តែមម៉ាច មាន សង្ឃដីកាបញ្ជាក់ថាស្រះនេះគឺជាកន្លែងមួយដែលប្រជាពុទ្ធបរិស័ទមក រំដោះគ្រោះកុំភ័យទាំងឡាយទាំងពួង ដោះសត្វឬព្រលែងសត្វដូចជាត្រីអណ្ដើកឬសត្វផ្សេង។ បើតាមជំនឿរបស់ខ្មែរយើង គឺព្រះអង្គបានទ្រង់ផ្ចាញ់មារ អោយវិនាសខ្ចាត់ខ្ចាយបាត់ទៅ ជាកន្លែងសំខាន់បំបាត់នូវ ទិដ្ឋ ចំពោះអមនុស្ស ជាងនេះទៅទៀតបានរួបរួមគ្នាកសាងឲ្យជាប្រយោជន៍ក្នុងព្រះពុទ្ធសាសនានៃយើង ។ ព្រះអង្គមានសង្ឃឹមថាក្រៅពីម្ចាស់សទ្ធាខាងលើ និង និងមាន ពុទ្ធបរិស័ទជិតឆ្ងាយមកចូលរួមជា សទជ្រះថ្លា ក្នុងការកសាង ស្រះមុជ្ជលិន្ទនេះ អោយបានរួចរាល់ជា ស្ថាពរផងចុះ៕
