ប្រជាពលរដ្ឋ និងជនពិការភាព ដែលមានជីវភាពខ្វះខាតចំនួន ៥០គ្រួសារ នៅឃុំថ្មរមៀល ស្រុកថ្មពួក ទទួលបានអំណោយពីសមាគមសម្ព័នយុវជនដើម្បីសន្តិភាព សាខាខេត្តបន្ទាយមានជ័យ
ខេត្តបន្ទាយមានជ័យ៖ដោយមើលឃើញពីការលំបាករបស់បងប្អូនប្រជាពលរដ្ឋ លោកបណ្ឌិត ឌីម សុខុន អគ្គលេខាធិការ សមាគមសម្ព័ន្ធយុវជនដើម្បីសន្តិភាព,លោក ហង្ស រ៉ាត់ ប្រធាន សមាគម សាខាខេត្តបន្ទាយមានជ័យ ,លោក គឹម សារឿន ប្រធាន សាខាខេត្តកំពង់ធំ, លោក សយ ចាន់ធី ទីប្រឹក្សា សមាគម បានដឹកនាំក្រុមការងារ ចុះជួបសំណេះសំណាលសួរសុខទុក្ខ និងនាំយកអំណោយជាគ្រឿងឧបភោគបរិភោគ ចែកជូនដល់ប្រជាពលរដ្ឋដែលមានជីវភាពខ្វះខាតចំនួន ៥០គ្រួសារ នៅទីតាំងជើងភ្នំដងរ៉ែង ផ្ទះលម្ហែរបស់លោក ហេង វណ្ណា ដែលជាអនុប្រធានសាខាខេត្តបន្ទាយមានជ័យ ស្ថិតនៅក្នុងភូមិថ្មរមៀលកើត ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។
នាឱកាសនោះដែរលោក ឌីម សុខុន លោក ហង្ស រ៉ាត់ និងលោក គឹម សារឿន បានមានប្រសាសន៍ពាំនាំនៅការនូវការផ្ដាំផ្ញើសាកសួរទុកពីសំណាក់ឯកឧត្តមបណ្ឌិត សុខ ចាន់ភក្តី ប្រធាន សមាគមសម្ព័ន្ធយុវជនដើម្បីសន្តិភាព ហៅកាត់ថា (សស.យស) ដែលជានិច្ចជាកាលឯកឧត្តមបណ្ឌិត ប្រធាន សមាគម តែងតែយកចិត្តទុកដាក់គិតគូពីសុខទុករបស់ប្រជាពលរដ្ឋ ទោះបីជាអំណោយទាំងនេះមិនគ្រប់គ្រាន់តាមតម្រូវការរបស់បងប្អូនប្រជាពលរដ្ឋក៏ពិតមែន ក៏ប៉ុន្តែជាចំណែកមួយកាត់បន្ថយការខ្វះខាតមួយគ្រា ហើយក៏ជាការចូលរួមចំណែកជាមួយប្រមុខរាជរដ្ឋាភិបាលកម្ពុជា ផងដែរ ។
អំណោយដែលត្រូវចែកជូនប្រជាពលរដ្ឋ និងជនពិការភាពដែលមានជីភាពខ្វះខាតក្នុងមួយគ្រួសារទទួលបាន អង្ក,មីកញ្ចប់ និងកំប៉ុង,ទឹកក្រូច,ទឹកផ្លែឈើ,ទឹកត្រី,ប្រេងឆា,ស្កស,អំបិល,ថ្នាំដុះធ្មេញ,ច្រាសដុះធ្មេញ ,សាប៊ូ,សារ៉ុង ,កន្សែង ,នុំធុង ,ទឹកបរិសុទ្ធ និងថវិកាមួយចំនួនរផងដែរ ៕
