ទិវាបុណ្យរំលឹកខួបព្រះឧបការគុណ សម្តេចព្រះសង្ឃរាជជោតញ្ញាណោ ជួន ណាត និងក្រុមជំនុំព្រះត្រៃបិដកខ្មែរវត្តប្រាសាទស្រះ កណ្ដាលខ្ចាស់
ខេត្តបន្ទាយមានជ័យ៖ដើម្បីរំលឹកដល់ព្រះឧបការគុណគឺដ៏ខ្ពង់ខ្ពស់បំផុតរបស់ព្រះសង្ឃរាជជោតញ្ញាណោ ជួន ណាត អតីតព្រះសង្ឃរាជនៃព្រះរាជាណាចក្រកម្ពុជានិងជាបណ្ឌិតអក្សរសាស្ត្រខ្មែរដ៏ល្បីល្បាញនោះ ព្រះរធម្មាលង្ការមុនី បណ្ឌិត ចាន់ សុជន ព្រះចៅអធិការវត្តប្រាសាទស្រះកណ្ដាលខ្ចាស់ស្ថិតនៅក្នុងស្រុកព្រះនេត្រព្រះ ខេត្តបន្ទាយមានជ័យ បានផ្ដួចផ្ដើមពិធីអបអរសាទរទិវាបុណ្យរំលឹកខួបព្រះឧបការ គុណថ្វាយសម្ដេចព្រះសង្ឃរាជជោតញ្ញាណោ ជួន ណាត ហ្នឹងបានរៀបចំពិធីដង្ហែព្រះរូបសំណាកព្រះសង្ឃរាជជួនណាតជុំវិញបដិវេណវត្តប្រាសាទស្រះកណ្ដាលខ្ចាស់ ដោយមាន ការអញ្ចើញចូលរួមពីសំណាក់ លោក យឹម សំណាងអភិបាលរង ខេត្ត អាជ្ញាធរស្រុកព្រះនេត្រព្រះ ព្រះសង្ឃ ប្រជាពុទ្ធបរិស័ទនិងសិស្សានុសិស្សយ៉ាងច្រើនកុះករ នាព្រឹកថ្ងៃទី ០១ ខែមេសា ឆ្នាំ២០២៥។
ព្រះធម្មាលង្ការមុនី ចាន់ សុជន បានមានសង្ឃដីការបញ្ជាក់ថា ការធ្វើកម្មវិធីនាថ្ងៃនេះគឺដើម្បីជាការរំលឹកគុណបការៈចំពោះសម្ដេចសង្ឃរាជ ជួន ណាត កាលព្រះអង្គហ្នឹងមានព្រះជន្មព្រះអង្គគឺជាមនុស្សម្នាក់ដ៏អស្ចារ្យជាបណ្ឌិតផ្នែកអក្សរសាស្ត្រខ្មែរនិងជាក្រុមជំនុំព្រះត្រៃបិដកខ្មែរហើយកាលព្រះអង្គនៅមានព្រះជន្មតែងតែធ្វើការអប់រំដល់មនុស្សទូទៅត្រូវខិតខំរៀនសូត្រព្រោះអក្សរសាស្ត្រខ្មែរយើងមានតម្លៃណាស់សម្រាប់កូនខ្មែរ និងសង្គមជាតិមានតែពួកធ្មិលឥតសាសនានោះទេ ដែលមិនយល់ពីតម្លៃអក្សរសាស្ត្រខ្មែរនិងតម្លៃពុទ្ធសាសនានៃយើង។
លោក យឹម សំណាងអភិបាលរង ខេត្តបន្ទាយមានជ័យបានមានប្រសាសន៍កោតសរសើរដោយស្មោះចំពោះព្រះតេជគុណ។ដែលបានរៀបចំពិធីបុណ្យរំលឹកខួបដល់ព្រះឧបការគុណសម្ដេចសង្ឃរាជ ជួន ណាត ដែលជាបណ្ឌិតអក្សរសាស្ត្រខ្មែរនាសម័យមុនៗ។ លោក យឹម សំណាង បន្តថា បច្ចុប្បន្នប្រជាពលរដ្ឋខ្មែរជាង 95% ជាអ្នកគោរពប្រតិបត្តិព្រះពុទ្ធសាសនាថេរវាទតាមវប្បធម៌ប្រពៃណីទំលៀមទម្លាប់ខ្មែរដែលផ្អែកលើគុណតម្លៃព្រះពុទ្ធសាសនាហើយជីវិតរស់នៅរបស់ប្រជាជនពុទ្ធបរិស័ទខ្មែរ តែងជាប់ទាក់ទងយ៉ាងជិតស្និទ្ធជាមួយវត្តអារាមនិងព្រះសង្ឃទៅយ៉ាងនេះក្តីសព្វថ្ងៃនេះយើងសង្កេតឃើញថាការប្រើប្រាស់សង្ឃសព្ទនៅមិនទាន់ត្រឹមត្រូវនៅមានការជាំឆ្គងដោយអន្លើរពិសេសយុវជននឹងសាសនិកខ្មែរមួយចំនួន។
បញ្ចប់នៃកម្មវិធីគណៈធិបតីក៏បានប្រគល់ប័ណ្ឌសរសើរប្រគេនដល់សាមណៈសង្ឃទទួលបានចេញលាភីផ្នែកស្មូត សាមណេរវិន័យ និងធម្មចក្តប្បវិត្ថរសូត្របាលីប្រែផ្ទាល់មាត់សម្រាប់សមណៈសង្ឃសិក្សានៅវត្តប្រាសាទកណ្ដាលខ្ចាស់៕
